Kongo Demokratiialyq Respýblikasynda seisenbi kúni koronavirýs juqtyrǵan alǵashqy adam anyqtaldy.
Sonymen Saharadan ońtústikke qarai Afrika elderi arasynda virýs juqtyrǵandardyń jalpy sany jeti adamǵa jetti, dep habarlaidy Reuters agenttigi.
Eldiń Densaýlyq saqtaý ministri Eteni Longodonyń aitýynsha, Frantsiiada turatyn Kongo azamatynan virýs tabylǵan. Ol 8 naýryzda Kongoǵa ushyp kelgen. Naýqas pen onyń janynda bolǵan adamdar karantinge jatqyzyldy.
Buǵan deiin habarlaǵandai, virýs juqtyrýdyń birneshe jaǵdaiy Nigeriiada, Senegalda, Ońtústik Afrikada, Kamerýnda, Togo men Býrkino-Fasoda tirkeldi. Soltústik Afrika elderinde aýrý juqtyrǵan ondaǵan jaǵdai anyqtaldy.
Sondai-aq Iamaikanyń Densaýlyq saqtaý ministrligi elde Kingstonda koronavirýs juqtyrǵan alǵashqy jaǵdaidy rastady.
Ministrliktiń resmi saitynda jariialanǵan málimdemege sáikes, Iamaika azamatynan virýs anyqtalǵan. Ol 4 naýryzda Ulybritaniiadan oralǵan. 9 naýryz kúni ol meditsinalyq kómekke júgingen. Qazir virýs juqtyrǵan naýqas áiel karantinde.
