«SQ-Farmatsiia» JShS men Densaýlyq saqtaý ministrligi ókilderi koronavirýsqa qarsy vaktsinaǵa suranysqa qatysty týraly pikir bildirdi, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda «Qazaqstan halqynyń qansha úlesi koronavirýsqa qarsy vaktsinany óz erkimen alýǵa daiyn? Osy baǵytta zertteý júrizgizildi me?» degen suraq qoiyldy.
«Biz jumys tobyn qurdyq, osy oraida bul vaktsinaǵa suranystyń qai deńgeide bolatyndyǵyn anyqtaý maqsaty qoiyldy. Boljam boiynsha 2,4 mln doza eskerilgen. Dúniejúzilik densaýlyq saqtaý uiymynyń da nusqaýlary da bar. Degenmen barlyǵy biýdjetke bailanysty bolady, iaǵni meditsinalyq uiymdarǵa bólinetin qarajat nazarǵa alynady», - dedi SQ-Farmatsiia» JShS-nyń basqarma tóraǵasy Erhat Esqaliev.
Óz kezeginde QR DSM sanitarlyq-epidemiologiialyq baqylaý komiteti tóraǵasynyń orynbasary Nurlybek Asylbekov bul máselege qatysty pikir bildirdi.
«Bul baǵytta turaqty taldaý sharalary júrip jatyr. Bastapqyda 2 mln doza týraly aitylǵan edi. Qazirgi ýaqytta osy máseleni qosymsha pysyqtap jatyrmyz. Halyqtyń 15 paiyzǵa jýyǵy tegin vaktsinamen qamtamasyz etý qarastyrylýda. Dúniejúzilik densaýlyq saqtaý uiymynyń bergen keńesine bailanysty bul kórsetkishti arttyrý úshin qosymsha qarajat qarastyrylýda», - dedi N. Asylbekov.
