«سق-فارماتسييا» جشس مەن دەنساۋلىق ساقتاۋ مينيسترلٸگٸ ٶكٸلدەرٸ كوروناۆيرۋسقا قارسى ۆاكتسيناعا سۇرانىسقا قاتىستى تۋرالى پٸكٸر بٸلدٸردٸ, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا «قازاقستان حالقىنىڭ قانشا ٷلەسٸ كوروناۆيرۋسقا قارسى ۆاكتسينانى ٶز ەركٸمەن الۋعا دايىن? وسى باعىتتا زەرتتەۋ جٷرٸزگٸزٸلدٸ مە?» دەگەن سۇراق قويىلدى.
«بٸز جۇمىس توبىن قۇردىق, وسى ورايدا بۇل ۆاكتسيناعا سۇرانىستىڭ قاي دەڭگەيدە بولاتىندىعىن انىقتاۋ ماقساتى قويىلدى. بولجام بويىنشا 2,4 ملن دوزا ەسكەرٸلگەن. دٷنيەجٷزٸلٸك دەنساۋلىق ساقتاۋ ۇيىمىنىڭ دا نۇسقاۋلارى دا بار. دەگەنمەن بارلىعى بيۋدجەتكە بايلانىستى بولادى, ياعني مەديتسينالىق ۇيىمدارعا بٶلٸنەتٸن قاراجات نازارعا الىنادى», - دەدٸ سق-فارماتسييا» جشس-نىڭ باسقارما تٶراعاسى ەرحات ەسقاليەۆ.
ٶز كەزەگٸندە قر دسم سانيتارلىق-ەپيدەميولوگييالىق باقىلاۋ كوميتەتٸ تٶراعاسىنىڭ ورىنباسارى نۇرلىبەك اسىلبەكوۆ بۇل مەسەلەگە قاتىستى پٸكٸر بٸلدٸردٸ.
«بۇل باعىتتا تۇراقتى تالداۋ شارالارى جٷرٸپ جاتىر. باستاپقىدا 2 ملن دوزا تۋرالى ايتىلعان ەدٸ. قازٸرگٸ ۋاقىتتا وسى مەسەلەنٸ قوسىمشا پىسىقتاپ جاتىرمىز. حالىقتىڭ 15 پايىزعا جۋىعى تەگٸن ۆاكتسينامەن قامتاماسىز ەتۋ قاراستىرىلۋدا. دٷنيەجٷزٸلٸك دەنساۋلىق ساقتاۋ ۇيىمىنىڭ بەرگەن كەڭەسٸنە بايلانىستى بۇل كٶرسەتكٸشتٸ ارتتىرۋ ٷشٸن قوسىمشا قاراجات قاراستىرىلۋدا», - دەدٸ ن. اسىلبەكوۆ.
