Qazaqstandyq telearnanyń 185 qyzmetkerine koronavirýs infektsiiasyna qatysty zerthanalyq synama alyndy, – dep habarlaidy Nur-Cultan qalasynyń taýarlar men kórsetiletin qyzmetterdiń sapasy men qaýipsizdigin baqylaý departamenti.
«Qazmedia ortalyǵyndaǵy «Eýraziia» telearnasynyń eki qyzmetkerinen aldyn alý maqsatyndaǵy tekseris barysynda COVID-19 virýsy anyqtaldy. Eki jaǵdaida syrqat simptomsyz bolǵan. Patsientter statsionarǵa jatqyzyldy. Koronavirýstyń bar-joǵyn anyqtaý úshin telearnanyń 185 qyzmetkeri zerthanalyq tekserýden ótti. Epidemiiaǵa qarsy barlyq jiyntyq is-sharalar júrgizildi, jaqyn jáne yqtimal bailanystar anyqtalyp, olarǵa úi karantinine belgilengen. «Qazmedia ortalyǵy» ǵimaratynda sanitarlyq-epidemiiaǵa qarsy tártip pen departament tarapynan baqylaý kúsheitildi», delingen habarlamada.
Eske sala ketsek, keshe «Qazmedia» ortalyǵynyń jumysy qatań rejimge kóshirildi. Aqparat jáne qoǵamdyq damý ministri Aida Balaeva qazaqstandyq telearnanyń eki qyzmetkeri virýs juqtyrǵanyn rastady.
