Álemdegi COVID-2019 indetiniń órshýine bailanysty qazaqstandyq 235 týrist demalysyn doǵaryp, otanyna oraldy, dep habarlaidy "Ult aqparat".
Bul týraly Densaýlyq saqtaý ministrliginiń taýarlar men kórsetiletin qyzmetterdiń sapasy men qaýipsizdigin baqylaý komiteti habarlady. Komitet málimetine sensek, týrizm jáne sport komiteti týristerdiń kepildendirilgen quqyqtary júiesiniń ákimshiligimen birlesip, sheteldegi qazaqstandyq týristerdi elge qaitarý týraly sheshim qabyldaǵan. Sonymen qatar týrkodtarǵa aqsha aýdarý jumysy ýaqytsha toqtatylǵan.
«Qazaqstan azamattaryn qaitarý úshin kezekten tys 17 reis uiymdastyryldy. Alǵashqy bort 17 naýryz kúni Úndistannan Goa aralynan ushyp shyqty. Qazirge deiin 235 týrist otanyna oraldy», - dep habarlaidy komitetten.
Qazirgi tańda álemniń 13 elinde 4 myńǵa tarta qazaqstandyq týrist demalyp jatyr.
Eske sala ketsek osydan eki kún buryn Mádeniet jáne sport vitse-ministri Órken Bisaqaev shetelde demalyp jatqan 4556 qazaqstandyqty elge qaitarý máselesi sheshilip jatqanyn habarlaǵan edi.
Olardyń negizgi bóligi Mysyrda (2246 adam), Birikken Arab Ámirlikterinde (573 adam), Tailandta (466 adam), Úndistanda (2016 (onyń 235-i 17 naýryzda qaitty), Maldiv araldarynda (2044 adam) demalýda.
