Qazaqstanda ótýi tiis taǵy bir jarys keiinge shegerildi, dep habarlaidy "Ult aqparat".
QR Ulttyq olimpiadalyq komitetiniń habarlaýynsha, Shymkentte ústel tennisinen 21 jasqa deiingi sportshylar arasyndaǵy úshinshi halyqaralyq týrnir ótýi tiis bolatyn.
Ókinishke qarai, 6 naýryz kúni bastalýy tiis báseke koronavirýs qaýpine bailanysty keiinge shegerildi.
Aldaǵy jospar boiynsha halyqaralyq synǵa Ázerbaijan, Qyrǵyzstan, Ózbekstan, Tájikstan, Qazaqstan komandalary men Reseidiń Ekaterinbýrg qalasynyń klýby qatysýy kerek edi.
Esterińizge sala keteiik, osyǵan deiin aqpan aiynda Nur-Sultanda uiymdastyrylýy tiis sý dobynan Aziia aimaqtyq irikteý týrniri men aýyr atletikadan Aziia chempionaty da ótpeitini týraly jazǵan bolatynbyz.
Sońǵy málimetterge súiensek, koronvirýs juqtyrǵan adamdar sany 100 myńǵa jýyqtaǵan. Bul aýrý keńinen taralǵan elderdiń alǵashqy bestigine Qytai (80 151), Ońtústik Koreia (5186), Iran (2336), Italiia (2036) jáne Japoniia (2830) engen.
