Italiiada koronavirýs jaǵdailarynyń kóbeiýine bailanysty shekteýdi kúsheitý jóninde birqatar jańa sharalar týraly jariialandy, dep habarlaidy ANSA agenttigi.
Italiianyń Premer-Ministri Djýzeppe Konte bul jańa oqshaýlanýdy boldyrmaý úshin jasalǵan shara dep málimdedi.
Merler 21:00-den keiin qoǵamdyq oryndardy jabý quqyǵyna ie bolady, al meiramhanalardyń jumys ýaqyty men ruqsat etilgen toptardyń sany qysqarady.
Italiiada ekinshi kún qatarynan aýrý juqtyrýdyń táýliktik deńgeii eń joǵarǵy kórsetkishke jetkennen keiin osyndai sheshim qabyldandy.
Jeksenbi kúni taǵy 11 705 adam koronavirýsqa shaldyqqan. Bul kórsetkish senbi kúngi ornaǵan rekordan (10 925 adam) da asyp tústi.
BBC agenttiginiń habarlaýynsha, qazirgi ýaqytta elde 414000 rastalǵan koronavirýs jaǵdaiy tirkelgen. 36 500 adam kóz jumǵan. Italiia Eýropa elderi arasynda ólim jaǵdailarynyń sany boiynsha Ulybritaniiadan keiingi ekinshi orynda.
Buǵan deiin Frantsiia men Italiia koronavirýs infektsiiasynyń táýlik ishindegi ósimi jaǵynan antirekordty qaita jańartqany týraly habarlaǵan bolatynbyz.
