QR Premer-Ministri Asqar Maminiń tóraǵalyǵymen ótken Úkimettiń selektorlyq otyrysynda epidemiiaǵa qarsy sharalardy iske asyrý barysy qaraldy. Elimizdegi qazirgi ahýal týraly densaýlyq saqtaý ministri Aleksei Tsoi baiandady.
Ministr habarlaǵandai, Qazaqstanda a.j. 11 tamyzdaǵy jaǵdai boiynsha 100 164 naýqas tirkelgen, onyń ishinde 25 171-i emdelip jatyr, 73 702 nemese 73,6% emdelip shyqty. 1 291 adam kóz jumǵan. Infektsiianyń reprodýktivtilik kórsetkishi nemese qatań shekteý sharalaryn engizgenge deiin bir naýqas juqtyratyn adamdar sany 1,72 qurady.
«Karantin engizilgennen keiin biz kóbeiý kórsetkishiniń turaqty tómendeý úrdisin baiqaimyz, ol 2 esege, iaǵni 0,82-ge deiin tómendedi. Qysqa merzimde eldi jan-jaqty jáne ýaqtyly qoldaý aýrýdyń qymbat diagnostikamen qamtylýyn múmkindiginshe keńeitýge múmkindik berdi. Búginde Qazaqstan PTR-diagnostikamen qamtý boiynsha álemde 37-orynda. Árine, bul el boiynsha syrqattanýshylyq kórsetkishterin ózgertti, tirkelgen jaǵdailardyń sany artty – búginde Qazaqstan 43-orynda tur», — dep túsindirdi A. Tsoi.
Anyqtalǵan patsientterdi ýaqtyly oqshaýlaý, ambýlatoriialyq jáne statsionarlyq emdeýmen qamtý, sondai-aq bailanysta bolǵan adamdardy baqylaýmen qamtý aýrýdyń taralýyn ustap turýǵa, aýyr patsientterdi baqylaýǵa múmkindik berdi.
Ministr atap ótkendei, ýaqtyly diagnostikalaýdyń arqasynda Qazaqstan Covid-19-dan ólim-jitim boiynsha 70-orynǵa shyqty.
«Bizdiń elimiz koronavirýs infektsiiasy jaǵdailaryn klinikalyq-epidemiologiialyq málimetter negizinde zerthanalyq rastaýsyz alǵashqylardyń biri bolyp tirkedi. Birinshiden, bul el halqynyń indet aýqymyn túsinýi úshin qajet boldy. Biz densaýlyq saqtaý júiesiniń qandai júktemege tap bolǵanyn túsindik. Statistikaǵa jańa tásilderdi engizý tósek-oryn qoryn edáýir keńeitý esebinen patsientterdiń eń kóp sanyn statsionarlyq emdeýmen qamtýǵa múmkindik berdi. Bul júzdegen adamnyń ómirin saqtap qaldy. Óitkeni, ómirdi qutqarý úshin qajet jasandy tynys alýdy qoldaý tek statsionarlyq jaǵdaida ǵana kórsetilýi múmkin», — dedi A. Tsoi.
Karantinniń bes aptasynda tósek-oryndardyń bos bolmaýy 61%-ǵa, onyń ishinde reanimatsiialyq tósek-oryndardyń bos bolmaýy 69%-ǵa tómendegeni baiqalady. Emhanalar úide qyzmet kórsetý formatyna kóshti, mobildi brigadalardyń sany 7,6 esege artty. Búginde olardyń 3640-y qurylyp, jumys isteýde.
«Aǵymdaǵy jylǵy 11 tamyzdaǵy jaǵdai boiynsha onlain-konsýltatsiialardyń sany 5 shildemen salystyrǵanda 4 ese ósti, 404 konsýltatsiialyq koll-ortalyqtar quryldy. Jedel meditsinalyq kómek brigadalarynyń sany táýliktik aýysymda 2 myńǵa deiin artty. Jedel járdem, onyń ishinde koronavirýs boiynsha shaqyrýlar sany 62%-ǵa tómendedi. Qabyldanǵan sharalardyń arqasynda densaýlyq saqtaý júiesine túsetin júktemeniń negizgi kórsetkishterin tómendetýge qol jetkizildi», — dedi vedomstvo basshysy.
Ortasha alǵanda, el boiynsha aýrýdyń táýliktik ósimi 2 esege jýyq tómendedi jáne saýyǵyp ketkender sany 73,6%-ǵa deiin ósti.
Máselen, 11 tamyzdaǵy jaǵdai boiynsha Túrkistan oblysynan basqa óńirlerdegi reprodýktivtilik kórsetkishteriniń kórinisi birlikten tómen, bul engizilgen karantinniń jáne jaǵdaidy turaqtandyrý boiynsha jappai qabyldanǵan sharalardyń tiimdiligin taǵy da rastaidy. Karantindik sharalardy jeńildetýdiń ázirlengen kriteriilerine sáikes, ministrlik infektsiianyń reprodýktivtilik kórsetkishterin, sońǵy aptadaǵy aýrýshańdyq kórsetkishterin, sondai-aq ólim-jitim kórsetkishterin qadaǵalap otyrady.
«Karantinniń bes aptasynda reprodýktivtilik kórsetkishteri 1,15-ten 0.82-ge deiin tómendedi, aýrýǵa shaldyǵý kórsetkishi 100 myń turǵynǵa shaqqanda 56,73-ten 36,2-ge deiin tómendedi. Densaýlyq saqtaý júiesine túsetin negizgi kórsetkishter men júktemelerdiń joǵaryda kórsetilgen oń serpini karantindik sharalardy kezeń-kezeńimen jeńildetý múmkindigin aiǵaqtaidy. Bul jeńildetý sharalary qoǵamdyq oryndarda maska rejimi men gigienany qatań saqtaý, sondai-aq halyq arasynda aqparattyq-túsindirý jumystaryn qamtamasyz etý arqyly júrgizilýi tiis», — dep túiindedi A. Tsoi.
