QR DSM Ulttyq qoǵamdyq densaýlyq saqtaý ortalyǵy qoǵamdyq densaýlyqty nyǵaitý ortalyǵynyń basshysy Jazira Emberdieva koronavirýs indetin juqtyryp almaý úshin ne isteý kerektigin túsindirdi, dep habarlaidy QazAqparat.
«Bizdiń klimattyq aimaqtyń kúz-qys kezeńi barlyq ýaqytta da halyq arasyndaǵy jiti rispiratorlyq virýstyq infektsiialar men tumaýǵa shaldyǵý kórsetkishiniń joǵary bolýymen erekshelenedi. Jyl saiyn Qazaqstanda JRVI-ge shaldyǵýdyń 500 myńnan 1 mln-ǵa deiingi jaǵdaiy tirkeledi. Negizinen JRVI-men 14 jasqa deiingi balalar aýyrady. Aǵymdaǵy epidemiologiialyq maýsym COVID-19 boiynsha oryn alǵan epidemiologiialyq jaǵdaiǵa bailanysty alańdaýshylyq týdyryp otyr. Biz tumaýdan keiingi asqynýdyń aldyn alý úshin qazirgi ýaqytta tumaýǵa qarsy vaktsinatsiiadan ótýge keńes beremiz. Biyl koronavirýs infektsiiasyna qatysty indetke bailanysty vaktsinatsiialaý naýqany eki apta buryn, 2020 jyldyń 15 qyrkúieginde bastaldy. Ol úshin óńirlerdegi alǵashqy meditsinalyq kómek uiymdarynyń barlyǵynda 5 myńnan astam pýnkt uiymdastyryldy. Jalpy, JRVI men tumaýǵa bailanysty epidemiologiialyq maýsym qazanda bastalyp, mamyrǵa deiin jalǵasady», - deidi ol.
Onyń atap ótýinshe, vaktsinatsiia jasaýdan bólek JRVI men tumaýdyń aldyn alýdyń ózge de sharalary bar. Atap aitqanda, múmkindiginshe adamdar kóp jinalatyn jerlerge barmaǵan jón.
Jabyq ǵimarattar men qoǵamdyq oryndarǵa barǵanda bir ret paidalanatyn maska taǵý, jótelgen nemese túshkirgen kezde muryndy shyntaqpen nemese sýlyqpen búrkemeleý kerek. Ásirese kósheden jáne qoǵamdyq kólikten úige kelgennen keiin qoldy sabynmen jaqsylap jýý, bólme aýasyn jaqsylap jeldetý qajet.
Quramynda S dárýmeni bar ónimderdi molynan tutynyp, salamatty ómir saltyn ustaný, turaqty túrde dene tárbiesimen ainalysyp, taza aýada serýendegen durys.
Sonymen qatar qoǵamdyq densaýlyqty nyǵaitý ortalyǵynyń basshysy koronavirýs infektsiiasyn juqtyryp almaý úshin ne isteý kerektigin de aityp berdi.
«Eń aldymen, aldyn ala «aýrý juqtyryp alamyn ba» dep úreige boi aldyrmaǵan jón. Iaǵni, COVID-19-dyń jańa tolqyny oryn alý múmkindigine bailanysty kúizeliske túspeýge, úreilenbeýge, qobaljymaýǵa tyrysý qajet. Úrei sizdiń jai-kúiińizdi nasharlata túsetin jaman faktor sanalady. Úreilengen kezde immýnitet tómendep ketýi múmkin. Tumaýǵa qarsy vaktsinatsiia bar. Al koronavirýsqa qarsy vaktsinatsiiany búginde álemniń kóptegen elderi ǵylymi turǵyda ázirlep, zertteý jumystaryn júrgizý ústinde. Ekinshiden, tájiribe koronavirýs infektsiiasyn aldyn alýdyń naqty ári tiimdi sharasy - qoǵamdyq oryndarda maska taǵý, áleýmettik araqashyqty saqtaý, qoldy únemi sabynmen jáne antiseptikpen tazalaý ekendigin kórsetip otyr. Adam kóp jinalatyn jerlerde barmaýǵa keńes beremiz. Eger asa qajettilik bolyp jatsa, onda mindetti túrde meditsinalyq maska taǵyp, qoldy antiseptikpen tazalap otyrǵan jón», - dedi Jazira Emberdieva.
