UEFA vitse-prezidenti Mishel Ýva koronavirýs dertine bailanysty 2020 jylǵy Eýropa chempionaty finaldyq kezeńin ótkizýden bas tartý nemese keiinge qaldyrý jóninde pikirin bildirdi, dep habarlaidy "Ult aqparat" Chempionat saityna silteme jasap.
«Qazir biz jaǵdaidy baqylap otyrmyz. Fýtbol eldegi jaǵdaiǵa bailanysty rettelýi tiis. Biz týrnirdi toqtatpaýǵa tyrysamyz. Jaǵdai kúrdeli sipatqa ie bolsa, jarys toqtatylady», - dedi Mishel Ýva.
Esterińizge sala ketelik, 2020 jylǵy Eýropa chempionatynyń finaldyq kezeńi 11 memlekettiń 12 stadionynda ótkiziledi. Týrnirge 24 qurama qatysady. Jarys 12 maýsymda bastalyp, 12 shildede Angliianyń «Ýembli» stadionynda máresine jetedi.
