Koronavirýstyń jańa túriniń taralýyna bailanysty oǵan qatysty aqparattardyń mańyzy arta tústi. Áleýmettik media ǵasyrynda bul Facebook pen YouTube-qa úlken jaýapkershilik júkteidi, dep habarlaidy VVS.
«Búgingi tańda milliardtaǵan adam osy eki platformadan aqparat izdeidi. Bul eki jeli jalǵan aqparat taratýshylar úshin de ashyq alańǵa ainaldy. Mysaly, Facebook toptarda vaktsinaǵa qarsy jalǵan aqparat pen 5G jelisine qarsy adamdardyń feik jańalyqtary jyldam tarady», - dep jazady basylym.
Avtordyń aitýynsha, tipti bul eki taqyryptardy koronavirýspen bailanystyrýshylar qatary da kóbeigen.
«Youtube-te koronavirýs paida bolǵanǵa deiin bir apta buryn 5G engizilgeni týraly aqparat tarady. Sonymen qatar, Diamond Princess krýiz laineri dál osy jelini paidalanǵandyqtan, lainer jolaýshylary virýs juqtyrǵan deýshiler de bar. Taǵy bireýler virýsty Amerika nemese Qytai úkimeti birigip zerthanada ádeii jasaǵan degen de teoriia taraǵan. Sonymen qatar koronavirýs biologiialyq qarý jasaý barysynda paida bolǵan degen jalǵan aqparattar da osy jeliler arqyly keń tarady», - dep jazady avtor.
Onyń aitýynsha, áleýmettik jeliler dezinformatsiiamen kúresýge barynsha tyrysyp jatqanymen, bul elilerdegi jalǵan aqparat áli de suranysqa ie taýarǵa ainalyp otyr.
