Elordada koronavirýs infektsiiasynan taǵy bir adam qaitys boldy. Bul týraly Nur-Sultan qalasy ákiminiń orynbasary Baqtiiar Máken málim etti, - dep habarlaidy "Ult aqparat".
«Qazirgi tańda qalada koronavirýs infektsiiasynyń 433 jaǵdaiy tirkeldi. 255 naýqas statsionarlarda jatyr, 207 adam emdelip shyqty, úide karantinde 2 396 adam bar. Ókinishke qarai búgin saǵat 10:40-ta bir áiel adam qaitys boldy», - dedi B. Máken.
Onyń sózine qaraǵanda, 64 jastaǵy atalǵan kisi 15 sáýirde jedel járdem brigadasymen aýrýhanaǵa jetkizilgen. Sol kezde naýqastyń jaǵdaiy óte aýyr bolǵan, osy oraida ony dereý ókpeni jasandy jeldetý apparatyna qosý týraly sheshim qabyldandy.
Tekserý kezinde atalǵan adamda koronavirýs infektsiiasy anyqtalǵan. Sonymen qatar, naýqastyń jaǵdaiy qosymsha asqynǵan aýrýlary saldarynan nasharlai túskeni baiqaldy.
«Em-dom sharalary klinikalyq hattamaǵa sáikes júrgizildi. Saǵat 10:40 kezinde naýqastyń júrege toqtady. Osy jaǵdaiǵa bailanysty týystary men jaqyndaryna qaiǵyryp kóńil aitamyz. Jaqynda túsken aqparatqa sáikes, atalǵan naýqas Resei azamaty bolǵan», - dedi B. Máken.
