ەلوردادا كوروناۆيرۋس ينفەكتسيياسىنان تاعى بٸر ادام قايتىس بولدى. بۇل تۋرالى نۇر-سۇلتان قالاسى ەكٸمٸنٸڭ ورىنباسارى باقتييار مەكەن مەلٸم ەتتٸ, - دەپ حابارلايدى "ۇلت اقپارات".
«قازٸرگٸ تاڭدا قالادا كوروناۆيرۋس ينفەكتسيياسىنىڭ 433 جاعدايى تٸركەلدٸ. 255 ناۋقاس ستاتسيونارلاردا جاتىر, 207 ادام ەمدەلٸپ شىقتى, ٷيدە كارانتيندە 2 396 ادام بار. ٶكٸنٸشكە قاراي بٷگٸن ساعات 10:40-تا بٸر ەيەل ادام قايتىس بولدى», - دەدٸ ب. مەكەن.
ونىڭ سٶزٸنە قاراعاندا, 64 جاستاعى اتالعان كٸسٸ 15 سەۋٸردە جەدەل جەردەم بريگاداسىمەن اۋرۋحاناعا جەتكٸزٸلگەن. سول كەزدە ناۋقاستىڭ جاعدايى ٶتە اۋىر بولعان, وسى ورايدا ونى دەرەۋ ٶكپەنٸ جاساندى جەلدەتۋ اپپاراتىنا قوسۋ تۋرالى شەشٸم قابىلداندى.
تەكسەرۋ كەزٸندە اتالعان ادامدا كوروناۆيرۋس ينفەكتسيياسى انىقتالعان. سونىمەن قاتار, ناۋقاستىڭ جاعدايى قوسىمشا اسقىنعان اۋرۋلارى سالدارىنان ناشارلاي تٷسكەنٸ بايقالدى.
«ەم-دوم شارالارى كلينيكالىق حاتتاماعا سەيكەس جٷرگٸزٸلدٸ. ساعات 10:40 كەزٸندە ناۋقاستىڭ جٷرەگە توقتادى. وسى جاعدايعا بايلانىستى تۋىستارى مەن جاقىندارىنا قايعىرىپ كٶڭٸل ايتامىز. جاقىندا تٷسكەن اقپاراتقا سەيكەس, اتالعان ناۋقاس رەسەي ازاماتى بولعان», - دەدٸ ب. مەكەن.
