Elordada meditsinalyq kolledj ben akademiia túlekteri koronavirýs juqtyrǵan naýqastardy emdeýge jiberildi. Bul týraly Nur-Sultan qalasynyń ákimi Altai Kólginov aityp berdi, – dep habarlaidy QazAqparat.
«Qazirgi ýaqytta elordada 3,5 myń dáriger, 8 myńǵa jýyq medbike jumys atqarýda. Qala turǵyndarynyń sany 1,2 mln-ǵa jetkenin eskersek, árine, dárigerlerge úlken salmaq túsýde. Sondyqtan, dárigerlerge kómek retinde meditsinalyq oqytý uiymdarymen kelisip, Densaýlyq saqtaý ministrligimen birge jospar bekitik. Sol josparǵa sáikes medkolledjderden 270-ten astam stýdent oqýyn támamdady, diplomyn aldy jáne arnaiy oqýdan ótip, qazir dárigerlerge kómektesýdi bastap ketti. 15 shildeden bastap, Meditsinalyq akademiia túlekterin jumysqa alatyn bolamyz, oǵan da sáikes josparymyz bar», - dedi qala ákimi Ortalyq kommýnikatsiialar qyzmetinde ótken brifingide.
Sonymen birge, meditsinalyq kadrlardy yntalandyrý jumystary da jalǵasýda.
«Karantin bastalǵan sátten beri 3 mlrd-qa jýyq qarajat dárigerlerge járdemaqy jáne syiaqy túrinde jalaqy ústine qosyldy. Bul jumys ári qarai jalǵasýda», - dedi A.Kólginov.
Aita keteiik, Nur-Sultanda koronavirýs infektsiiasyn 61 adam qaitys boldy. Qalada KVI statsionary 87% toldy.
