Nur-Sultan qalasynyń bas memlekettik sanitarlyq dárigeri Sarhat Beisenova elordadaǵy KVI juqtyrǵandardyń jas qurylymyn aityp berdi, dep habarlaidy QazAqparat.
«Aýyrǵandardyń eń joǵary deńgeii burynǵydai eresekter arasynda tirkelgen, olar jalpy syrqattanýdyń 79,9%-yn quraidy, balalar úlesi – 17,3% jáne jasóspirimder 2,8%. Eresekter arasynda 30%-y 30-39 jas aralyǵyndaǵy topqa tiesili. Sáýir aiynan bastap egde jastaǵy adamdar arasynda jaǵdailardyń 2,2%-ǵa, 18-29 jastaǵy adamdar arasynda 0,7% ǵa ósýi baiqalady», - dedi S. Beisenova elorda ákimdiginde ótken brifingide.
Naýryzda dinamikada 14 jasqa deiingi balalar arasynda aqpan aiymen salystyrǵanda 2,3 ese ósý baiqaldy, iaǵni aqpanda – 479 jaǵdai, naýryzda – 1 106 jaǵdai, sáýirdiń alǵashqy 20 kúninde naýryz aiymen salystyrǵanda 1,3 ese – 1 447 jaǵdaidyń ósýi baiqaldy.
«Al sáýir aiynda jalpy syrqattaný qurylymyndaǵy balalardyń úles salmaǵy 0,8%-ǵa azaidy, bul ásirese 7-10 jas aralyǵyndaǵy top oqýshylaryna qatysty qabyldanǵan shekteý sharalarynyń tiimdiligin kórsetedi, onda tómendeý 5%-dan 4%-ǵa deiin boldy. Balalar arasynda eń joǵary aýrýshańdyq 3-10 jas tobynda 54,5%-dy quraidy», - deidi spiker.
Syrqattaný qurylymynda aýyrǵandardyń negizgi úlesi jumys isteitin halyqqa tiesili – 43,6 %, jumys istemeitinder – 23,4%, zeinetkerler – 15,3 %, oqýshylar – 11,1 %. Bul rette sáýir aiynda jumys isteitinder arasynda aýyrǵandardyń úles salmaǵy 4,2%-ǵa, jumys istemeitin halyqtyń 5,5%-ǵa, sondai-aq oqýshylar arasynda 4%-ǵa tómendegeni baiqalady.
