Elordada koronavirýs infektsiiasyn juqtyrǵan 5 naýqas jasandy tynys alý apparatyna qosyldy. Bul týraly Nur-Sultan qalasy ákiminiń orynbasary Baqtiiar Máken málim etti, dep habarlaidy "Ult aqparat".
«Qalada koronavirýs infektsiiasynyń 599 jaǵdaiy tirkeldi, 9 paiyz ósim bar. 332 naýqas statsionarlarda jatyr, 214 adam emdelip shyqty, úi karantininde - 2 576 adam. Ókinishke qarai, úsh adam indetten qaitys boldy», - dedi ol Ortalyq kommýnikatsiialar qyzmetinde.
Onyń sózine qaraǵanda, 9 sáýirden bastap jappai ekspress testileý júrgizý bastaldy, ony 15 528 adam tapsyrdy.
«Qazirgi ýaqytta 10 naýqastyń jaǵdaiy turaqty aýyr hálde. Onyń ishinde 5 naýqas jasandy tynys alý apparatyna qosylǵan», - dedi B. Máken.
