Elordada koronavirýs qaitadan beleń alyp, qala «jasyldan sary» aimaqqa qaita ótti, – dep habarlaidy QazAqparat.
QR Densaýlyq saqtaý ministrligi Ulttyq qoǵamdyq densaýlyqty saqtaý ortalyǵynyń deregine sáikes, «qyzyl» aimaqta Soltústik Qazaqstan, Pavlodar, Shyǵys Qazaqstan, Aqmola jáne Qostanai oblystary qalyp otyr. Al Almaty men Nur-Sultan qalasy «sary» aimaqqa ótken. Elimizdiń qalǵan barlyq óńirleri «jasyl» aimaqta.
27 qarashada Nur-Sultan qalasynyń bas memlekettik sanitar dárigeri Janna Pirálieva Nur-Sultan qalasynyń «jasyl aimaqqa» ótkenine úsh kún bolǵanyn aitqan edi.
«Nur-Sultan qalasynyń «jasyl aimaqqa» ótkenine úsh kún boldy. Alaida, bul arqany keńge salyp, erkinsýge sebep bolmaýy tiis. Óitkeni, «jasyl aimaqqa» ótý koronavirýs juqtyrǵandar sanynyń azaiǵanyn bildirmeidi. Qalada áli de táýlik ishinde infektsiia juqtyrǵandar tirkelip jatyr. Degenmen, ótken demalys kúnderi tirkelgen jaǵdailar az bolǵan «, - degen bolatyn Janna Pirálieva.
