Koronavirýs epidemiiasyna bailanysty dziýdodan ótetin barlyq olimpiadalyq irikteý týrnirleri ýaqytsha toqtatyldy, dep habarlaidy "Ult aqparat".
Atap aitar bolsaq, IJF kúntizbesindegi 30 sáýirge deiingi Olimpiadalyq litsenziialyq týrnirler keiinge qaldy.
Bul týraly halyqaralyq dziýdo federatsiiasy resmi túrde málim etti.
Keiinge qalǵan jarystar qatarynda Ekaterinbýrgtegi (Resei) Grand Slam, Tbilisi (Grýziia) men Antaliiadaǵy (Túrkiia) Gran Pri týrnirleri bar.
IJF erejesine sáikes, Grand Slam jarysynda jeńimpazdarǵa 1000 upai berilse, ekinshi oryn jeńip alǵan tatami sheberine 700 upai, al úshinshi oryn alǵan balýanǵa 500 upaidan berilese, Gran Pri kezeńinde jeńimpazdarǵa álem reitinginde 700 upaiǵa, kúmis júldegerge 490, qola júldegerge 350 upaidan qosylady.
Osylaisha, dziýdoshylar Olimpiada oiyndaryna álemdik reitingtegi upailaryna qarai bara alady.
