Britan ǵalymdary Ulybritaniiada anyqtalǵan koronavirýstyń «britandyq shtammy» jańa genetikalyq ózgeristerge ushyraidy dep alańdaýly. Bul týraly VVS habarlady.
Ǵalymdardyń aitýynsha, birqatar patsientterdiń jaqynda júrgizilgen taldaýlary «ońtústikafrikalyq» jáne «braziliialyq» shtammdarda kezdesetin taǵy bir mýtatsiia – E484K belgilerin kórsetti.
Bul mýtatsiia qoldanystaǵy vaktsinalardy tiimsiz etýi múmkin, biraq ázirge immýnizatsiia josparlanǵan túrde júrgizilýi kerek deidi mamandar.
Ulybritaniiada úidi-úige Covid-19 test jiyntyqtaryn taratý naýqany bastaldy
Ulybritaniia biligi qazirdiń ózinde birqatar sharalar qabyldady, atap aitqanda, Covid-19 jappai testileý naýqany bastaldy. Shara barysynda arnaiy brigadalar virýstyń sońǵy nusqalary anyqtalǵan aýdandardaǵy úilerdi aralap, adamnyń aýrý belgileri bar-joǵyna qaramastan synaqtar júrgizedi. Birinshi kezeńde eldiń segiz aýdanynda 80 myń adamdy synaqtan ótkizý josparlanýda.
Britan biliginiń aitýynsha, bul qadam jańa, asa juqpaly sanalatyn ońtústikafrikalyq shtammnyń taralýyn baqylaýǵa kómektesedi.
Eske salsaq, koronavirýs mýtatsiialana bastaǵany týraly jáne jańa virýsqa 20A.EU1 degen ataý berilgeni týraly habarladyq. Al qazaqstandyq belgili ǵalym Almaz Sharman koronavirýs bir aida keminde eki ret mýtatsiiaǵa ushyraityndyǵyn aitty.
Jylpy koronavirýstyń britandyq shtamy álemniń kóptegen elderinde anyqtaldy.
