Koronavirýsqa qarsy vedomstvoaralyq komissiia álemdegi epidemiologiialyq ahýalǵa sholý jasady, dep habarlaidy "Ult aqparat".
Ulybritaniia jańa qaiǵyly rekord ornatty: diagnoz qoiylǵannan keiin 28 kún ishinde taǵy 1 325 adam koronavirýstan kóz jumdy, pandemiia bastalǵaly koronavirýs saldarynan 80 000 adam qaitys bolǵan.
Osynyń aiasynda el biligi úshinshi koronavirýs vaktsinasy - amerikalyq Moderna kompaniiasynyń ekpesin jedel sertifikattaýǵa ruqsat berdi.
Ýkraina pravoslavie kúntizbesi boiynsha Rojdestvo merekesin ótkizgennen keiin kelesi kúni lokdaýn jariialady, merekelik demalystan keiin indet juqtyrǵandar sany kúrt ósýi múmkin dep boljanyp otyr.
Portýgaliiada 15 kúndik tótenshe jaǵdai rejimi engizildi. Turǵyndarǵa demalys kúnderi saparǵa shyǵýǵa tyiym salyndy jáne eldiń kóp bóliginde komendanttyq saǵat uzartyldy.
Jeltoqsan aiynyń sońynda qatań karantin engizilgen Chehiianyń Densaýlyq saqtaý ministri Ian Blatnyi ekpe alǵannan keiin adamdar indetti juqtyra almaidy degen sózinen bas tartyp, buǵan naqty dálelderdiń joqtyǵyn málimdedi.
Frantsiianyn týrizm ministriniń orynbasary Jan-Batist Lemýan 20 qańtarǵa deiin elde epidemiologiialyq jaǵdai jaqsarsa, taý shańǵysy kýrorttarynyń jumysyna ruqsat beriletinin habarlady.
Buǵan deiin Frantsiia premer-ministri Jan Kasteks meiramhanalar kem degende aqpannyń ortasyna deiin jabyq boltynyn, al taý shańǵysy kýrorttary aqpan aiyndaǵy oqýshylar demalysyna deiin jumys istemeitinin aitqan, óitkeni elde indet óte tez taralyp, aýrýhanalar naýqastardyń aǵynyna tótep bere almai jatyr.
Shvetsiia parlamenti juma kúni COVID-19 taralýyn toqtatý maqsatynda el úkimetine jańa ókilettik beretin pandemiia týraly zańdy qabyldady.
Shvetsiia eshqashan lokdaýn engizbegen bolatyn, biraq sońǵy ailarda, koronavirýs infektsiianyń ekinshi tolqynynda elde indetti juqtyrǵandar sany boljanǵan kórsetkishten áldeqaida kóp tirkeldi.
Jeksenbiden bastap kúshine enetin jańa zań boiynsha úkimet kásiporyndardy, saýda ortalyqtaryn jaýyp, qoǵamdyq kóliktiń jumysyn toqtata alady.
