Oralda koronavirýs juqtyrǵan áielge qatysty jeke málimetterdiń taralýyna bailanysty qylmystyq is qozǵaldy, dep habarlaidy QazAqparat.
BQO politsiia departamentiniń resmi ókili Bolatbek Belgibekov málim etkendei, qazirgi kezde sotqa deiingi tergeý amaldary júrgizilýde.
Oraldyq áiel Atyraýǵa jumys babymen baryp qaitqan. 28 naýryz kúni aýrý belgileri baiqalǵan soń meditsinalyq kómekke júgingen. Ol aldymen burynǵy «Kýmyska» sanatoriiindegi provizorlyq gospitalda bolǵan. Koronavirýs anyqtalǵannan keiin Oraldaǵy juqpaly aýrýlar aýrýhanasyna jetkizilgen.
WhatsApp áleýmettik jelisinde onyń jeke derekteri, sonyń ishinde mekenjaiy týraly málimet taralyp ketken.
«Bul zańsyz is-áreketter QR QK 147-baby 5-bóligin (jeke ómirge qol suǵylmaýshylyqty jáne Qazaqstan Respýblikasynyń derbes derekter jáne olardy qorǵaý týraly zańnamasyn buzý) buzý bolyp tabylady. Bul bap boiynsha 7 jylǵa deiin bas bostandyǵynan aiyrý jazasy qarastyrylǵan. Atalǵan derek boiynsha Oral qalasy politsiia basqarmasy tergeý amaldaryn júrgizýde. Kináliler qylmystyq jaýapkershilikke tartylatyn bolady», - dedi Belgibekov.
Eske sala keteiik, budan buryn BQO-da koronavirýs juqtyrǵan áieldiń bireýi Saratovtan, ekinshisi Atyraýdan kelgenin jazǵan bolatynbyz. Olar - Oral jáne Aqsai qalalarynyń turǵyndary. Bórli aýdanynyń ákimi Mirjan Satqanov málim etkenindei, Aqsai qalasynyń kósheleri men qoǵamdyq oryndarda qajetti dezinfektsiialaý sharalary júrgizilýde.
