6 mamyr kúngi sońǵy málimet boiynsha, Batys Qazaqstan oblysynda koronavirýs juqtyrǵan taǵy 4 adam anyqtaldy, - dep habarlaidy BQO ákimdiginiń baspasóz qyzmeti.
BQO ákimdiginen túsken málimetke qaraǵanda, olardyń bireýi – Reseide vahtalyq ádispen jumys isteitin Túrkistan oblysynyń 27 jastaǵy turǵyny.
Qalǵan úsheýi – júk tasymalymen ainalysatyn Tájikstan men Qyrǵyzstannyń 33, 44 jáne 57 jastaǵy azamattary. Reseimen shektesetin «Syrym» avtoótkelinen ótý barysynda olar densaýlyqtaryna shaǵymdanbaǵan. Alaida bas memlekettik sanitarlyq dárigerdiń biylǵy 30 sáýirdegi №35 qaýlysyna sáikes, júk tasymaldaýshylarǵa ekspress diagnostika jasalǵan kezde, analiz oń nátije kórsetken. Keiin jedel járdemmen karantindik statsionarǵa jetkizilgen.
«PTR-diagnostikalyq zertteý qorytyndysymen COVID-19 diagnozy naqtylanyp, tórteýi de oblystyq juqpaly aýrýlar aýrýhanasyna ornalastyryldy.
Naýqastarmen qarym-qatynasta bolǵandar meditsinalyq baqylaýǵa alynyp, aýrý oshaqtarynda dezinfektsiialyq jumystar júrgizildi.
Indetke qarsy kúres jalǵasýda», - delingen aqparatta.
Búginge deiin BQO-da aýyrǵandardyń jalpy sany 203-ke jetip, sonyń 41-i saýyǵyp shyqty.
Eske sala keteiik, budan buryn Batys Qazaqstan oblysynda emdelip shyqqan bes adamnyń ekeýi Semei men Taraz turǵyny ekendigin, BQO ákimi koronavirýspen kúresip jatqan dárigerlermen onlain-keńes ótkizgenin jazǵan bolatynbyz.
