QR Densaýlyq saqtaý ministrliginiń resim ókili Baǵdat Qojahmetov koronavirýstyń taralýyna tosqaýyl qoiý maqsatynda kórshiles eldermen aradaǵy shekteý sharalaryna qatysty túsinik berdi, dep habarlaidy QazAqparat .
Ortalyq kommýnikatsiialar qyzmetindegi baspasóz máslihatynda birqatar elde koronavirýs infektsiiasynyń taralýy qaitadan órship kele jatqanyna bailanysty Qazaqstannyń shetelmen aradaǵy shekarasynyń jabylýy múmkindigi týraly suraq qoiyldy.
«Keshegi baspasóz máslihatynda Densaýlyq saqtaý ministri osy máselege mán berip, Qazaqstannyń shekaralas memleketterindegi bolyp jatqan jaǵdai týraly málimet berdi. Biz sol aqparatty kúndelikti zerttep otyramyz. Bul turǵyda Qazaqstannyń koronavirýstyń jańa tolqynyna tosqaýyl qoiý úshin jasaityn is-qimyldardyń nátijesi mańyzdy. Sondyqtan Úkimet tarapynan Qazaqstannyń (shekara arqyly qozǵalys) shekteý jumystaryn ótkizýi ábden múmkin. Ol endi kórshiles memleketterdegi epidemiologiialyq jaǵdailarǵa bailanysty», - dedi B. Qojahmetov.
