Qazaqstannyń koronavirýstyń taralýyna qarsy vedomstvoaralyq komissiiasy álemdegi epidemiologiialyq ahýalǵa sholý jasady, dep habarlaidy "Ult aqparat".
Avstraliia turǵyndaryna COVID-19 qarsy vaktsina egýdi bastamaq.
Birinshi vaktsina Ekinshi dúniejúzi soǵysynyń ardagerine jasaldy.
Keń aýqymdy vaktsinatsiia naýqany 22 aqpanda bastalady.
25 million halqy bar memlekette koronavirýsty shamamen 29 myń adam juqtyrǵan.
Onyń 900-den astamy qaitys bolǵan, 26 myńnan astamy saýyǵyp shyqqan.
Ulybritaniia premer-ministri Boris Djonson eldiń barlyq eresek turǵyndaryna shilde aiynyń aiaǵyna deiin COVID-19-qa qarsy vaktsina jasatý usynylatynyn málimdedi.
Úkimettiń vaktsinatsiiany jedeldetý josparyna sáikes mundai usynys 15 sáýirge deiin 50 jastan asqan barlyq adamǵa jetedi dep boljanyp otyr.
Elde vaktsinatsiia naýqany 2020 jyldyń 8 jeltoqsanynda bastalǵan.
17,24 million turǵyn vaktsinanyń alǵashqy dozasyn alsa, 605 myńǵa jýyq adam vaktsinanyń ekinshi dozasyn alǵan.
Nemis shekarashylary 15 aqpannan bastap, iaǵni eldiń shekara beketterinde qatań baqylaý ornatylǵan ýaqyttan bastap 4 522 adamdy Germaniiaǵa kirgizbegen.
Basty sebep - kelýshilerdiń qolynda koronavirýstyń teris nátijesi kórsetilgen PTR anyqtamasy joqtyǵynda.
Iran Irakpen shekaradaǵy ótkizý pýnktilerin Ulybritaniiada tabylǵan koronavirýs nusqasynyń taralýyna jol bermeý maqsatynda jaýyp tastaǵan.
Tegeran atalǵan mýtatsiia kórshi memleketten kelgen dep esepteidi.
Irlandiia premer-ministri Mikol Martin elde qonaqúiler men gastronomiia salasyndaǵy kásiporyndardyń jumysy jazǵa deiin ashylmaitynyn málimdedi.
Barlar, meiramhanalar, kafeler men qonaqúiler sońǵy 12 aidyń kóp bóliginde jumys istemegen.
5 million turǵyny bar Irlandiiada COVID-19 214 myńnan astam adamnan tabylǵan, 4 135 adam qaitys bolǵan.
Shvetsiiada COVID-19-dyń braziliialyq nusqasyn juqtyrý jaǵdailary anyqtalǵan.
El biliginiń habarlaýynsha, COVID-19-dyń atalǵan mýtatsiiasy tórt adamda tirkelgen.
Juqtyrǵandardyń eshqaisy jaqyn arada Braziliiaǵa barmaǵan. Bilik juqtyrý tizbegin anyqtap jatyr.
Buǵan deiin Shvetsiiada Ulybritaniia men Ońtústik Afrikadan tabylǵan COVID-19-dyń mýtatsiiasyn juqtyrý jaǵdailary tirkelgen bolatyn.
