Atyraýda eki ai jansaqtaý bóliminde jatqan naýqas emdelip shyqty, dep habarlaidy QazAqparat.
Oblystyq densaýlyq saqtaý basqarmasy baspasóz qyzmetiniń málimetine súiensek, Marjan Tileýlieva úsh ai buryn №2 oblystyq aýrýhananyń infektsiialyq statsionaryna túsken. Keiin 2 ai 10 kún jansaqtaý bóliminde jatqan.
«Jansaqtaý bólimine túsken kezde naýqastyń jaǵdaiy aýyr dárejede dep baǵalandy.
Tynysy tarylyp, demikpesi kúsheiip ketti. Sol sebepten, ony alǵashqy kúnnen ottegi apparatyna qostyq. Oǵan 2 ai boiy tiisti em-domyn jasap, nátijesinde jansaqtaý bóliminen palataǵa aýystyrdyq. Búgin aýrýhanadan shyqty», -deidi rezident-reanimatolog Darhan Jaqsylyq.
Koronavirýs infektsiiasynan saýyqqan Marjan Tileýlieva turǵyndardy saqtyq sharalaryn qatań saqtaýǵa shaqyryp otyr.
«Aýrýhanaǵa 18 shildede aýyr halde tústim. Dem jetpei, basym ainaldy. Jansaqtaý bóliminde 2 aidan asa emdeldim. Dárigerlerdiń emdeý sharasyn sátti júrgizýiniń nátijesinde bir ólimnen aman qaldym. Qazir jaǵdaiym jaqsardy», - deidi Marjan Tileýlieva.
