Koronavirýs infektsiiasy naýqastary Naýryz meiramdarynan keiin ósti. Bul týraly Nur-Sultan qalasy qoǵamdyq densaýlyq saqtaý basqarmasynyń basshysy Timýr Muratov aityp berdi, dep habarlaidy QazAqparat.
«Koronavirýs infektsiiasy naýqastarynyń ósimi Naýryz meiramynan keiin baiqaldy. Bul halyqtyń sanitarlyq normalardy saqtamaý, adam kóp shoǵyrlanǵan oryndarǵa barý, karantin rejimin buzýyna bailanysty boldy. Astanalyq dárigerler men barlyq meditsina qyzmetkerleri qaitadan eki ese júktememen jumys istep jatyr. Búginde infektsiiamen kúreske 3700-den astam meditsina qyzmetkeri tartyldy. Juqpaly aýrýlar statsionaryndaǵy jumys úshin qurylǵan kadrlyq rezerv te kúnnen-kúnge shaqyrylyp jatyr», - dedi T. Muratov elorda ákimdiginde ótken onlain brifingte.
Aita keteiik, naýryzdyń 25 kúninde 3754 jańa KVI jaǵdaiy tirkelgen, muny 2020 jylǵy shilde aiynyń basyndaǵy kórsetkishke teńeýge bolady.
Búginde juqpaly aýrýlar statsionarynda 480 adam jatyr (tósek-orynnyń 64 paiyzy). Jansaqtaý bóliminde em qabyldaityn naýqastar sany artty. Qazirgi ýaqytta bul bólimde 55 naýqas jatyr, onyń ishinde 14-i jasandy tynys alý mashinasymen dem alýda.
Buǵan deiin Timýr Muratov elordadaǵy epidemiologiialyq jaǵdaidy shilde aiyndaǵy aýyr kezeńge teńegen edi.
