كوروناۆيرۋس ينفەكتسيياسى ناۋقاستارى ناۋرىز مەيرامدارىنان كەيٸن ٶستٸ. بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتىپ بەردٸ, دەپ حابارلايدى قازاقپارات.
«كوروناۆيرۋس ينفەكتسيياسى ناۋقاستارىنىڭ ٶسٸمٸ ناۋرىز مەيرامىنان كەيٸن بايقالدى. بۇل حالىقتىڭ سانيتارلىق نورمالاردى ساقتاماۋ, ادام كٶپ شوعىرلانعان ورىندارعا بارۋ, كارانتين رەجيمٸن بۇزۋىنا بايلانىستى بولدى. استانالىق دەرٸگەرلەر مەن بارلىق مەديتسينا قىزمەتكەرلەرٸ قايتادان ەكٸ ەسە جٷكتەمەمەن جۇمىس ٸستەپ جاتىر. بٷگٸندە ينفەكتسييامەن كٷرەسكە 3700-دەن استام مەديتسينا قىزمەتكەرٸ تارتىلدى. جۇقپالى اۋرۋلار ستاتسيونارىنداعى جۇمىس ٷشٸن قۇرىلعان كادرلىق رەزەرۆ تە كٷننەن-كٷنگە شاقىرىلىپ جاتىر», - دەدٸ ت. مۇراتوۆ ەلوردا ەكٸمدٸگٸندە ٶتكەن ونلاين بريفينگتە.
ايتا كەتەيٸك, ناۋرىزدىڭ 25 كٷنٸندە 3754 جاڭا كۆي جاعدايى تٸركەلگەن, مۇنى 2020 جىلعى شٸلدە ايىنىڭ باسىنداعى كٶرسەتكٸشكە تەڭەۋگە بولادى.
بٷگٸندە جۇقپالى اۋرۋلار ستاتسيونارىندا 480 ادام جاتىر (تٶسەك-ورىننىڭ 64 پايىزى). جانساقتاۋ بٶلٸمٸندە ەم قابىلدايتىن ناۋقاستار سانى ارتتى. قازٸرگٸ ۋاقىتتا بۇل بٶلٸمدە 55 ناۋقاس جاتىر, ونىڭ ٸشٸندە 14-ٸ جاساندى تىنىس الۋ ماشيناسىمەن دەم الۋدا.
بۇعان دەيٸن تيمۋر مۇراتوۆ ەلورداداعى ەپيدەميولوگييالىق جاعدايدى شٸلدە ايىنداعى اۋىر كەزەڭگە تەڭەگەن ەدٸ.
