Armeniia úkimetiniń sheshimimen 4 mamyrdan bastap elde koronavirýstyń taralýyna qarsy engizilgen azamattar men bizneske qatysty birqatar shekteýler alynady, dep habarlaidy "Ult aqparat".
Armeniia ekonomika ministriniń orynbasary Varos Simonian tótenshe jaǵdai rejimi aiasynda engizilgen shekteýlerdi alyp tastaityn úkimet sharalaryn tanystyrdy. 4 mamyrdan bastar azamattardyń respýblika boiynsha júrip-turýyna bolady. Degenmen qoǵamdyq kólik qozǵalysy, oblysaralyq tasymal toqtaǵan kúii tura beredi. 4 mamyrdan bastap kóterme jáne bólshek saýdaǵa ruqsat etiledi. Tek iri saýda ortalyqtary jabyq turady. Himtazalaý, shashtaraz, sulýlyq salondary jumysyn bastaidy.
Ministr orynbasarynyń aitýynsha, 4 mamyrda qaita óńdeý ónerkásibi salasyndaǵy jumys qaita jandanady. Jazǵy terrasasy bar restoran, dámhana, barlar jumys isteidi. Degenmen jabyq ǵimarattaǵy qoǵamdyq tamaqtaný oryndarynda qyzmet kórsetýge tyiym salynǵan. Sonymen qatar, botanikalyq, zoologiialyq baqtar, qoryqtar men basqa da tabiǵi aýmaqtar ashylady.
Simoniannyń sózine sensek, 4 mamyrda jumysyn bastaityn ekonomikalyq sýbektilerdiń jumysy arnaiy ereje jáne nusqaýlarǵa negizdeledi. Al ol talaptardyń qatań saqtalýyn inspektsiyialyq organdar men jaýapty vedomstavolar qadaǵalaidy.
Eske sala keteiik, Armeniiada 16 naýryz ben 14 mamyr aralyǵyna tótenshe jaǵdai rejimi engizilgen. Densaýlyq saqtaý ministrliginiń málimetinshe, 2 mamyrǵa deiin elde 2273 adam koronavirýs juqtyrǵan. Onyń ishinde 1010 adam aýrýdan jazylyp ketse, 33 naýqas kóz jumǵan.
