Almatynyń Óńirlik shtaby áýejai men aýrýhanada koronavirýstyń aldyn alý sharalarynyń júzege asyrylýyn tekserdi, dep habarlaidy "Ult aqparat".
Qala ákiminiń orynbasary Erjan Babaqumarovtyń tóraǵalyǵymen Almaty halyqaralyq áýejaiynda koronavirýsty infektsiianyń aldyn alý boiynsha aimaqtyq shtabtyń kóshpeli otyrysy ótti.
Maqsat – áýejaida júrgiziletin sanitarlyq-gigienalyq jáne profilaktikalyq is-sharalardy baǵalaý, týristik firmalardyń, týristik dúńgirshek pen týrpolitsiianyń jumysyn tekserý.
Sanitarlyq-gigienalyq rejimdi kúsheitý jáne koronavirýsty infektsiianyń aldyn alý máseleleri boiynsha usynystar berildi.
Sonymen qatar, №4 qalalyq klinikalyq aýrýhananyń shuǵyl mamandandyrylǵan meditsinalyq kómek kórsetý boiynsha daiyndyǵy, 3h (triaj) júiesi boiynsha qabyldaý bólimshesiniń jumysy, sondai-aq koronavirýsty infektsiiaǵa kúdikti adamdardy anyqtaý jaǵdaiyna den qoiý sharalary tekserildi.
