Búgin Almaty oblysynda taǵy 3 adamnan COVID-19 infektsiiasy anyqtaldy, - dep habarlaidy "Ult aqparat" Almaty oblysy ákiminiń baspasóz qyzmetine silteme jasap.
Ile aýdany Ótegen batyr kentiniń turǵyndary – 1967, 1975 jáne 1999 jyly týǵan azamattardyń murnynan jaǵyndy alý men COVID-19 infektsiiasyna alynǵan analizderiniń nátijesi olardyń naýqas ekenin kórsetti. Qazir olardy Qarasai aýdandyq ortalyq aýrýhanasynyń infektsiialyq bólimine jetkizý jumystary uiymdastyrylýda.
Syrqattardyń jalpy sany 132 adammen, sonyń ishinde 13-imen úi ishinde, 219 adammen jumysta jáne syrtta qarym-qatynasta bolǵany anyqtaldy. Olardyń barlyǵy qazir dárigerlerdiń baqylaýyna alyndy.
Aita keteiik, jalpy Almaty oblysynda koronavirýspen aýyrǵandar sany 53-ke jetti.
