COVID-19 virýsy indeti keibir elderdi retsessiiaǵa ushyratyp, jahandyq ekonomika ósimin 2,5%-dan tómen deńgeige deiin quldyratýy múmkin, dep habarlaidy "Ult aqparat".
Koronavirýstyń órshýinen tikelei sheteldik investitsiia (TShI) aǵyny kólemi qysqarady. BUU-nyń Saýda jáne damý jónindegi konferentsiiasy (IýNKTAD) uiymy osylai málim etti. Uiym sarapshylary qundy qaǵazdar men ken óndirýshi ónerkásip investitsiiasyna suranys kúrt tómendeýi yqtimal dep boljaýda.
Eń kóp shyǵynǵa virýspen kúreste radikaldy sharalar qabyldaýǵa deiin barǵan aýrý juqtyrǵandar deńgeii joǵary, sondai-aq Qytaidaǵy óndiristerge táýeldi memleketter ushyraidy. Olardyń qatarynda Koreia Respýblikasy, Japoniia men Ońtústik-Shyǵys Aziia elderi bar. Munai men shikizat taýarlaryn eksporttaýshy elderge de jaǵdai aýyr tiedi, olar ekonomikalyq ósimniń bir paiyzynan astamyn joǵaltýy múmkin
Aldyn ala boljam boiynsha, koronavirýs saldarynan álemdik ekonomika shyǵyny 2 trln dollardy, al damýshy elderde 220 mlrd dollardy quraýy múmkin.
Sarapshylar ortalyq bankter bul daǵdarysty eńsere almaidy, kólemdi biýdjettik shyǵyndardy qajet etedi dep qaýiptenedi.
Sondai-aq IýNKTAD sarapshylary koronavirýstyń órshýi tikelei sheteldik investitsiianyń jahandyq aǵynyna keri áserin tigizetindigin aitýda. Buǵan deiin olar 2020-2021 jyldarda TShI deńgeii aitarlyqtai ósedi dep boljaǵan bolatyn. Biraq qazir olardyń pikirinshe, koronavirýsqa bailanysty investitsiia túsimi 5-15 paiyzǵa tómendeýi múmkin.
