Halyqaralyq konkishiler qaýymdastyǵy mánerlep syrǵanaýdan álem chempionatyn koronavirýstyń taralý qaýpine bailanysty keiinge shegerdi, dep habarlaidy "Ult aqparat".
Negizgi jospar boiynsha mánerlep syrǵanaýdan álem chempionaty 16-22 naýryz kúnderi Monrealda (Kanada) ótýi tiis bolatyn. Alaida, bul doda ISU sheshimimen belgisiz merzimge shegerildi.
Sondai-aq, búgin sporttyq gimnastikadan Dohada (Katar) ótýi tiis litsenziialyq álem kýbogi kezeńi de keiinge shegerilgeni belgili boldy. Atalǵan litsenziialyq týrnir 18-21 naýryz kúnderi Katar astanasynda ótedi dep josparlanǵan bolatyn.
Bul doda koronavirýs epidemiiasynyń taralýyna bailanysty 2020 jyldyń 3-6 maýsymyna shegerildi.
