Koronavirýstyń taralýyna qarsy vedomstvoaralyq komissiia álemdegi epidemiologiialyq ahýalǵa sholý jasady, dep habarlaidy "Ult aqparat".
Serbiiaǵa reseilik «Spýtnik V» vaktsinanyń 100 myń dozasy jetkizildi. Serbiia biligi jyl sońyna deiin elde «Spýtnik V» vaktsinasynyń óndirisin jolǵa qoiýdy josparlap otyr.
1 naýryzdan bastap Germaniiada eki aidan astam úzilisten keiin shashtarazdar men pedikiýr salondary jumysyn qaita bastady.
Olardyń ashylýy gigienalyq turǵydan da negizdelgen. Keibir shashtarazdar kelýshilerdiń úlken aǵymynyń bolýyn jormaldap, túnde ashyldy.
Johnson & Johnson vaktsinasynyń 4 million dozasy 2 naýryz kúni tańerteń AQSh-tyń belgilengen núktelerine jetkiziledi.
«Búgingi keshten bastap barlyq shtattarǵa 3,9 million doza bólinedi» dedi AQSh prezidenti ákimshiliginiń ókili.
Onyń aitýynsha, bul - Johnson & Johnson kompaniiasynyń qorynda bar barlyq vaktsina.
Kompaniia naýryz aiynyń sońyna deiin taǵy 16 million doza jetkizýdi josparlap otyr.
Ulybritaniia osy aida 40 jastan asqan turǵyndaryn vaktsinalaýdy bastamaq.
Qazirgi ýaqytta eldiń densaýlyq saqtaý ministrligi 60 jastan asqan turǵyndaryna qalǵan shaqyrý qaǵazdaryn jiberýde.
Jalpy, memlekette 20 millionnan astam adam vaktsina qabyldaǵan.
Germaniia Chehiiaǵa pandemiiamen kúres úshin elge 15 myń doza koronavirýs vaktsinasyn jetkizýdi uiymdastyrýǵa niet bildirdi.
Buǵan deiin el basshylyǵy Resei prezidentine Chehiiany «Spýtnik V» vaktsinasymen qamtamasyz etýdi suraǵan bolatyn.
Chehiia EO-nyń basqa memleketterine qaraǵanda kóbirek zardap shekti.
Pandemiia bastalǵannan beri 10,7 million halqy bar elde 1,2 million adam koronavirýs juqtyrdy, 20 myń naýqas qaitys bolǵan.
Ekonomikalyq sebepterge bailanysty Ońtústik Afrika karantindik sharalaryn jeńildetpek.
El prezidenti Siril Ramaposa málimdegendei, budan basqa, komendanttyq saǵattyń qoldanylý merzimi jaqyn arada qysqartylmaq, sondai-aq toptyq kezdesýgede shekteýler jeńildetilmek.
Ramaposa eldegi shekteý sharalaryn jeńildetý tutynýdyń joǵarylaýyna jáne eńbek naryǵynyń jaqsarýyna ákeledi dep úmittenetinin aitty.
