Densaýlyq saqtaý ministri Aleksei Tsoi búgingi ótken koronavirýspen kúres sharalary týraly keńeste tumaýǵa qarsy vaktsinalaý jumysy qalai júrip jatqanyn aityp berdi, dep habarlaidy "Ult aqparat".
Aleksei Tsoi Prezidentke tumaýǵa qarsy vaktsinatsiialaý naýqanynyń aiaqtalǵanyn da jetkizdi. Áleýmettik osal topqa kiretin 2,3 mln adamǵa ekpe jasaldy. Epidemiologiialyq maýsym bastalǵannan beri JRVI-men syrqattaný 2019 jylǵy qyrkúiek-qazan kezeńimen salystyrǵanda 1,3 ese tómendegen.
«DDSU optimistik boljamyna sáikes jańa koronavirýsqa qarsy tiimdi vaktsina 2021 jyldyń birinshi toqsanynan erte daiyn bolmaidy. Qazir álemde 200 jýyq vaktsina jasaýǵa úmitker bar bolsa, tek 42-si klinikalyq synaqtan ótip jatyr. Onyń 5-eýi - qazaqstandyq kandidat.
«Halyqty koronavirýs infektsiiasyna qarsy immýndaý úshin vaktsina óndirýge jáne satyp alýǵa, túrli toptaǵy 3,6 mln adamdy vaktsinatsiialaýǵa Úkimet rezervinen 47 mlrd teńge qajet» dedi Densaýlyq saqtaý ministri.
DDSU aqparatyna sáikes, koronavirýs infektsiiasy boiynsha epidemiologiialyq jaǵdaidyń tórt negizgi stsenariii bar. Qazaqstanda, Ońtústik Koreiada, Singapýrde, Jańa Zelandiiada jáne Izrailde indet baqylaýǵa alyndy.
«QR-daǵy epidemiologiialyq ahýal sońǵy eki aida optimistik boljamǵa sáikes ótip jatyr. Iaǵni qabyldanǵan sharalardyń nátijesinde pessimistik boljam oryndalǵan joq. Bul potentsialdy lokdaýndy bir aiǵa shegerýge múmkindik berdi», - dedi A. Tsoi.
Ministrlik eldegi jáne árbir óńirdegi epidemiologiialyq ahýalǵa turaqty monitoring júrgizedi, meditsinalyq uiymdar koronavirýs infektsiiasynyń ekinshi tolqynyna qarsy sharalar qabyldaýda.
Jaǵdaidy turaqtandyrýǵa baǵyttalǵan sharalar óz tiimdiligin kórsetti jáne Ministrlik jergilikti atqarýshy organdarmen jáne basqa da múddeli salamen birlesip, meditsinalyq kómek pen dári-dármek kólemin josparlaýda bar kúsh-jigerin salyp otyr.
