Arshaly aýdandyq aýrýhanasynyń juqpaly aýrýlar bólimshesine COVID-19 diagnozymen jatqyzylǵan «Shapaǵat» áleýmettik qyzmet kórsetý ortalyǵynyń 27 qariiasy jazylyp shyqty, - habarlaidy Aqmola oblystyq ishki saiasat basqarmasy.
Aqmola oblystyq densaýlyq saqtaý basqarmasynyń málimetinshe, naýqastardy emdeýde olardyń burynnan aýyryp kele jatqan júrek-qan tamyrlary jáne tynys alý júiesi siiaqty aýrýlary biraz kedergi keltirgen. Bul naýqastardyń kópshiligi - qarttar, ekinshi toptaǵy múgedekter, toǵyzy - tósekke tanylǵandar. Taǵy ekeýi ókpe qabynýdyń asqynǵan túrimen aýyrǵandyqtan jaǵdailary aýyr hálde boldy.
«Bizdiń dárigerler naýqastarǵa erekshe qamqorlyqpen qarady. Olardyń tez saýyǵyp ketýi úshin qoldan kelgenniń barlyǵyn jasady», - deidi juqpaly aýrýlar bólimshesiniń dárigeri Viktor Shalaev.
Dárigerlerdiń atap ótýinshe, elimizdegi eń qart naýqas osy jyly 5 mamyrda 100-ge tolady. Ol osydan birneshe kún buryn «koronavirýs infektsiiasynyń jeńil túri» diagnozymen aýrýhanaǵa jatqyzylǵan bolatyn.
Aita keteiik, búgingi kúni Aqmola oblysynda 60 adam koronvirýsten jazylyp shyqty. Taǵy 8 naýqasty aldaǵy kúnderi shyǵarý josparlanǵan.
