Aqmola oblysynyń Stepnogor qalasyna koronavirýs infektsiiasyn juqtyrǵan naýqastar jetkizilgeni týraly jalǵan aqparat taratqan eki adam ustaldy, - dep habarlaidy oblystyq PD baspasóz qyzmeti.
Vedomstvonyń málimetinshe, sáýirdiń 15-de politsiia qyzmetkerleri WhatsApp messenjerine monitoring júrgizý kezinde «Otdam! Obmeniaiý!» tobynda Stepnogor qalasyna koronavirýs infektsiiasyn juqtyrǵandar jetkizilip, jergilikti emdeý mekemesine jatqyzylǵany týraly jalǵan aqparatty anyqtaǵan.
«Jedel izdestirý kezinde jalǵan aqparattyń avtory anyqtaldy. Ol qalalyq aýrýhana bólimshesiniń kishi medbikesi bolyp shyqty. 41 jastaǵy medbikeniń ústinen QR ÁQbK 478 baby boiynsha ákimshilik hattama toltyryldy», - dedi vedomstvodan.
Ekinshi jaǵdai sol kúni WhatsApp messenjerindegi basqa toptan tabyldy. Onyń avtory jeli qoldanýshylaryna Stepnogor qalasynda koronavirýs infektsiiasyn juqtyrǵandar bar dep habarlaǵan. Belgili bolǵandai, áiel adam - jergilikti JShS jumysshysy, kásiporynda koronavirýs infektsiiasynyń aldyn alý sharalary týraly ótken jiyndy durys túsinbegen.
«Aqparatty durys túsinbegen áiel ózinshe topshylap, WhatsApp qoldanýshylarmen bólisken. 43 jastaǵy áiel de QR ÁQbK 478 baby boiynsha ákimshilik jaýapqa tartyldy», - dep tolyqtyrdy vedomstvodan.
Tártip saqshylary azamattardy tek resmi aqparattarǵa ǵana senýge jáne naqtylanbaǵan qańqý sózder men jalǵan aqparatty taratpaýǵa shaqyrady.
