Air Astana áýekompaniiasy QR DSM bekitken profilaktikalyq sharalar negizinde ushý reisteriniń kestesin ózgertti, dep habarlaidy "Ult aqparat".
2020 jyldyń 1 naýryzynan bastap «Nur-Sultan – Seýl – Nur-Sultan» baǵytyndaǵy áýe reisteri aptasyna 2-den 1-ge deiin qysqardy. «Almaty–Seýl-Almaty» baǵytyndaǵy reister aptasyna 5-ten 1-ge deiin qysqardy. 5 naýryzdan «Nur-Sultan – Baký» jáne keri baǵyttaǵy reister toqtatyldy. Almatydan Bakýǵa shyǵatyn reister aptasyna 1-aq ret shyǵatyn bolady. 6 naýryzdan bastap Almatydan Gonkongqa shyǵatyn reis toqtatylady.
Sonymen qatar áýe kompaniiasy koronovirýs juqpasy shyqqan elderge marshrýt jelisin ońtailandyrýǵa kóshti.
2020 jyldyń 31 mamyryna deiin Nursultannan Parijge, Almatydan Kýala Lýmpýrǵa shyǵatyn reister toqtatylady.
«Almaty – Mýmbai» baǵytyndaǵy reisterge de shyqpaityn boldy.
Munyń aldynda bilet alyp qoiǵan jolaýshylar ushý ýaqytyn ózgertip nemese aiyppulsyz biletterdi qaitara alady.
«Air Astana úshin eń bastysy jolaýshylardyń qaýipsizdigi bolyp otyr. Juqpaly aýrýdy boldyrmaý úshin profilaktikalyq sharalardy qoldanamyz. Barlyq halyqaralyq reisterde biz ekipajdyń tazalyǵyn muqiiat tekseremiz. Olardyń barlyǵyna sanitaizerler beriledi, ushaqtar eki ret dezinfektsiialyq quraldarmen jýylady», - dedi Air Astana saýda boiynsha diretkory Islam Sekerbekov.
