17 tamyz kúngi málimet boiynsha, Qazaqstanda koronavirýsqa shaldyqqan 3,2 myń naýqas statsionarlarda em qabyldaýyn jalǵastyrýda. Bul týraly QR Densaýlyq saqtaý ministrliginen málim etti, dep habarlaidy "Ult aqparat".
«Qazirgi ýaqytta koronavirýs infektsiiasynan 18 841 adam em qabyldaýdy jalǵastyrýda. Olardyń arasynda 99 bala bar. Statsionarlarda 3 279 naýqas jatyr. 15 562 adam ambýlatoriialyq jaǵdaida emdelýde.
Jalpy naýqastardyń arasynda 406 adamnyń jaǵdaiy nashar. Sonyń ishinde 103 naýqastyń jaǵdaiy asa qatty aýyr dep baǵalanýda. 72 naýqas ókpeni jasandy jeldetý apparatyna qosylǵan», - delingen vedomstvo aqparatynda.
Málim etilgendei, Densaýlyq saqtaý ministrligi koronavirýs boiynsha málimetterdi kún saiyn jariialap otyrady. Statistikada – bir táýliktegi málimetter, PTR-testileý oń jáne teris nátije kórsetken naýqastardyń jalpy sany jáne ólim-jitim jaǵdailary kórsetiledi. Barlyq aqparat vedomstvonyń resmi saitynda jáne áleýmettik jelilerdegi paraqshalarynda taratylady.
Jalpy el boiynsha dertke shaldyqqandar sany - 103 033. Onyń ishinde 82 777 adam jazylsa, 1269 naýqas qaitys boldy.
