Koronavirýs qaterine bailanysty álemniń eki eli Tokio Olimpiadasyna barmaityndyqtaryn málimdedi, dep habarlaidy "Ult aqparat".
Kanada olimpiada komiteti 2020 jylǵy Olimpiada oiyndaryna óz sportshylaryn jibermeitinin jariia etti.
Kanada sportshylardyń densaýlyǵy men qaýipsizdigi mańyzdy ekendigin aityp, Halyqaralyq olimpiada jáne Halyqaralyq paraolimpiada komitetteri men Dúniejúzilik densaýlyq saqtaý uiymyn Olimpiada oiyndaryn bir jylǵa keiinge qaldyrýǵa shaqyrdy.
2016 jylǵy Rio Olimpiadasyna Kanadadan 314 sportshy qatysyp, 22 medalǵa ie bolǵan edi.
Kanadadan keiin Aýstraliia olimpiada komiteti de koronavirýs keńinen etek alǵan qazirgidei jaǵdaida Tokio Olimpiadasyna óz quramasyn jinai almaitynyn, sondyqtan kelesi jylǵa ázirlenetinin málim etti.
Rio Olimpiadasyna Aýstraliiadan 421 sportshy baryp, 29 medalmen bul eldiń quramasy jalpykomandalyq esepte 8-orynǵa kóterilgen bolatyn.
Halyqaralyq olimpiada komitetiniń prezidenti Tomas Bah 2020 jylǵy Olimpiada oiyndaryna bailanysty túpkilikti sheshim tórt aptadan keiin qabyldanatynyn jetkizdi. Onyń sózine qaraǵanda, Japoniiadaǵy jaǵdai birtindep túzelip keledi. Uiymdastyrý komiteti 24 shilde men 9 tamyzǵa josparlanǵan jarysty bir aiǵa nemese 45 kúnge shegerý máselesin de qarastyrýy múmkin.
