«Qorǵas» halyqaralyq shekara mańy yntymaqtastyq ortalyǵynda uialy telefondardyń bólshekteri men dárilik zattar tárkilendi, dep habarlaidy "Ult aqparat".
2019 jyldyń 10 qańtarynda keshki ýaqytta «Qorǵas» HShYO baqylaý bólimshesinde shekarashylar Qazaqstan Respýblikasynyń 35 jastaǵy azamatyn ustady. Ol jalpy salmaǵy 88 kg bolatyn «Iphone» uialy telefonynyń bólshekterin (displei – 1085 dana, korpýs – 230 dana) zańsyz jolmen alyp ótpek bolǵan.
Sonymen qatar, bólimsheni tekserý kezinde «Qorǵas»-tan Qazaqstanǵa kirý zalynda iesiz jatqan «LAND ROVER» uialy telefondary (100 dana), Qytaida óndirilgen jáne jalpy salmaǵy 88 kg 200 g bolatyn dárilik zattar tabyldy.
Ustalǵan zattar akti boiynsha «Altynkól» keden beketiniń qyzmetkerlerine tapsyryldy.
