Foto: pixabay.com
«Qorǵas» ShYHO aýmaǵynyń Qazaqstan jaǵynda 6 zańsyz oiyn biznesin jáne bir jezóksheler oshaǵyn QHR azamattary uiymdastyrǵan. Atalǵan oryndardy QMA Jetisý oblysy boiynsha departamenti oblystyq prokýratýrasy, Ulttyq qaýipsizdik departamenti sondai-aq oblystyq politsiiamen ári shekara qyzmetimen birlese otyryp joidy, - dep habarlaidy «Ult aqparat» Qarjylyq monitoring agenttiginiń baspasóz qyzmetine silteme jasap.
Anyqtalǵandai, astyrtyn oiyn mekemeleri túngi ýaqytta shekteýli adamdar úshin, atap aitqanda Qytai azamattary úshin ǵana jumys istegen.
«Tintý nátijesinde 4 kommertsiialyq ǵimaratta 76 oiyn avtomaty, 43 oiyn ústeli, qumar oiyndaryn uiymdastyrýǵa qajetti kóptegen tehnikalyq qural-jabdyqtar, sondai-aq 60 myń iýannan astam aqshalai qarajat tabylyp tárkilendi» — delingen habarlamada.
Sotqa deiingi tergeý jalǵasyp jatyr. QR QPK 201-babyna sáikes, tergeý múddesindegi ózge de málimetter taratylýǵa jatpaidy.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
