Qorǵastaǵy shekarashylar eki tsentnerden astam iesiz dári-dármek tapty, dep habarlaidy UQK baspasóz qyzmeti.
«Qorǵas» shekara beketi jasaǵynyń shekarashylary júkti Halyqaralyq shekara yntymaqtastyq ortalyǵynyń aýmaǵyn tekserý kezinde QR-ǵa kiretin zaldan tapqan.
«Jalpy salmaǵy 209 keliden astam júktiń ishinen Qytai óndirgen dárilik zattar shyqty. Zańsyz taýardyń iesi shekarashylardyń jaqyndaǵanyn kórip, adamdardyń arasymen bildirmei ketip qalýy múmkin. Ol tabylǵan joq. Taýar akt boiynsha «Altynkól» shekara beketiniń qyzmetkerlerine berildi», - delingen habarlamada.
