«Qorǵas» halyqaralyq shekara mańy yntymaqtastyǵy ortalyǵynda tóbeles shyǵarǵandar ustaldy, dep habarlaidy "Ult aqparat" Jetisý oblysynyń Politsiia departamentine silteme jasap.
«6 qyrkúiekte «Qorǵas» HShYO aýmaǵynda tóbeles boldy. Bul derek QR Qylmystyq kodeksiniń 293-baby 2-tarmaǵynyń 3-bóligi (buzaqylyq) boiynsha Panfilov aýdandyq politsiiasynyń SDTBT-de tirkeldi.
Tóbeleske 20-26 jas aralyǵyndaǵy bir top jergilikti turǵyn qatysqany belgili boldy. Oqiǵaǵa qatysýshylardyń barlyǵy anyqtalyp, politsiiaǵa jetkizildi. Jábirlenýshiler men zardap shekkender joq.
Oqiǵanyń mán-jaiy anyqtalyp jatyr. Tergeý jalǵasýda, onyń qorytyndysy boiynsha oqiǵaǵa qatysqandardyń áreketine quqyqtyq baǵa beriledi" - delingen habarlamada.
Vedomstvo málimetinshe, oqiǵa ornynan tabylǵan travmatikalyq tapansha tárkilenip, qylmystyq is materialdaryna tirkeldi. Atalǵan isti tergep-tekserýdi oblystyq Departament erekshe baqylaýǵa aldy.
