Qazaqstan Prezidenti – Qarýly Kúshterdiń Joǵarǵy bas qolbasshysy Qasym-Jomart Toqaev Qorǵanys ministrine Halyqaralyq áskeri yntymaqtastyqty damytýǵa, kadr saiasatyna jáne qysqy maýsymǵa daiyndyqqa qatysty tapsyrmalar berdi, - dep habarlaidy «Ult aqparat».
Atap aitqanda, Prezident Qarýly kúshter qurylysynyń tujyrymdamasyn ázirleý kezinde qazaqstandyq armiiany radiatsiialyq jáne himiialyq qorǵaýdyń qazirgi zamanǵy túrleri men quraldarymen jaraqtandyrýǵa nazar aýdarýdy tapsyrdy. Sonymen qatar áskeri-kólik aviatsiiasy men injenerlik áskerlerdi nyǵaitýǵa, infraqurylymdy damytý týraly tapsyrma berdi.
Soǵan orai Qazaqstan men Túrkiia áskeri-tehnikalyq yntymaqtastyqty odan ári keńeitý qajettiligi týraly kelisimge keldi. Bul jaiynda Túrkiianyń Qorǵanys ministri Hýlýsi Akar málimdegen edi.
Ol Qazaqstanǵa sapary kezinde Indýstriia jáne infraqurylymdyq damý ministrliginiń basshysymen qorǵanys ónerkásibi salasyndaǵy yntymaqtastyqty talqylaitynyn habarlady.
26 qazanda Túrkiianyń Qorǵanys ministri Hýlýsi Akar Qazaqstannyń Qorǵanys ministri Nurlan Ermekbaevpen kezdesý ótkizdi. Kún tártibinde áskeri jáne áskeri-tehnikalyq yntymaqtastyq, kadrlar daiarlaý, áskeri bilim berý, jaýyngerlik daiarlyq, oqý-jattyǵýlarǵa qatysý máselelerdi talqylady.
Hýlýsi Akar eki el arasyndaǵy qorǵanys salasyndaǵy yntymaqtastyqty odan ári keńeitýge qatysty máselelerdi talqylanǵanyn aitty.
"Bizdiń memleketterimizdiń basshylary arasynda prezidentter deńgeiinde óte tyǵyz dialog pen yntymaqtastyq bolǵandyqtan, bizdiń jumysymyz aitarlyqtai jeńil boldy. Biz qol jetkizilgen kelisimderdi júzege asyrý máselelerin talqyladyq", - dedi Túrkiianyń qorǵanys ministri.
Ol taraptar bizdiń elderimiz arasyndaǵy áskeri-tehnikalyq yntymaqtastyqty odan ári keńeitý qajettiligimen keliskenin, bul bizdiń bailanystarymyzdy ulǵaitýǵa jáne keńeitýge múmkindik beretinin atap ótti.
Sodan keiin Túrkiianyń qorǵanys ministri Qazaqstannyń indýstriia jáne infraqurylymdyq damý ministrimen kezdesip, Qorǵanys ónerkásibi salasyndaǵy yntymaqtastyq jaiyn talqylady.
Ol Qazaqstan Respýblikasy Qorǵanys ministrliginiń basshylyǵyna jáne QR Qarýly Kúshteriniń barlyq áskeri qyzmetshilerine elder arasynda júzege asyrylyp jatqan yntymaqtastyq úshin alǵysyn bildirdi.
Qazaqstannyń qorǵanys ministri Nurlan Ermekbaev Túrkiia Qazaqstannyń strategiialyq seriktesi ekenin atap ótti.
Aita keteiik, 2018 jyldyń qyrkúieginde Elbasy Nursultan Nazarbaev Túrkiiada resmi saparmen bardy. Sol kezde mańyzdy qujattarǵa, sonyń ishinde áskeri yntymaqtastyq jáne áskeri saladaǵy qupiia aqparatty ózara qorǵaý týraly qujattarǵa qol qoiyldy.
Yntymaqtastyqtyń negizgi baǵyttary anyqtaldy. Eń aldymen, birlesken oqý-jattyǵýlar, birlesken áskeri jáne jaýyngerlik daiarlyq, sondai-aq áskeri bilim berý.
Túrik oqý oryndarynda qazaqstandyqtar áskeri mamandyqtar boiynsha, mysaly, gidrografiia, kiberqaýipsizdik boiynsha bilim alyp jatyr.
Qazaqstan Qorǵanys ministriniń aitýynsha, ótken jyly alǵash ret ulttyq qorǵanys ýniversitetiniń bazasynda túrik áskeri qyzmetshilerin oqytýdy uiymdastyryldy.
Aita keteiik, Túrik qarýly kúshteri men bas shtaby Qazaqstannyń qarýly Kúshterine alǵashqy bolyp olardyń qalyptasýy men damýynyń bastapqy kezeńinde jan-jaqty qoldaý kórsetti.
Túrkiia 1990-shy jáne 2000-shy jyldardyń basynda uiymdastyrý tehnikasyn, kartografiialyq jabdyqtardy, bailanys quraldaryn, ótimdiligi joǵary avtomobilderdi qosa alǵanda, qazaqstandyq Qarýly Kúshter úshin áskeri múlikti óteýsiz negizde jetkizdi.
Budan ári Taraptar kópmaqsatty jeńil brondalǵan avtomobilderdi, optikalyq-elektrondyq aspaptardy jetkizý jáne birlesip óndirý jolymen ózara tiimdi ózara is-qimylǵa kóshti.
Áskeri bilim berý sheńberinde Túrkiianyń áskeri ýchilishelerinde kýrsanttardy oqytý júrgiziledi, sondai-aq túrli oqý ortalyqtarynda Qazaqstan Qarýly Kúshteriniń áskeri qyzmetshilerin daiarlaý júrgiziledi.
2019 jyly Qazaqstan Qorǵanys ministrligi alǵash ret Ulttyq qorǵanys ýniversitetiniń bazasynda túrik áskeri qyzmetshilerin oqytýdy uiymdastyrdy.
Kelissózder barysynda osy baǵyttaǵy yntymaqtastyqty jalǵastyrý týraly kelisimge qol jetkizildi.
Aita keteiik, onyń aldynda Qazaqstanǵa Reseidiń qorǵanys ministri kelgen bolatyn.
