Qorǵanys ministrliginde keńeitilgen alqa otyrysy ótti, dep habarlaidy "Ult aqparat" ministrliktiń baspasóz qyzmetine silteme jasap.
Alqa otyrysyna Qorǵanys ministrligi men Bas shtab basshylyǵy, departamentter men bas basqarmalar bastyqtary, ásker túrleri bas qolbasshylarynyń orynbasarlary, óńirlik qolbasshylyqtar men ásker tekteri áskerleriniń qolbasshylary, brigadalardyń, polkterdiń, aviatsiialyq bazalardyń, saqtaý qoimalarynyń, oqý ortalyqtarynyń komandirleri, áskeri oqý oryndarynyń, áskeri politsiia organdarynyń bastyqtary, serjanttar quramy, QR QM vedomstvolyq baǵynysty uiymdarynyń basshylary qatysty.
Kún tártibinde 2019 oqý jylyndaǵy Qarýly kúshter qyzmetiniń qorytyndysy qaraldy. Ministrge áskerlerdiń jaýyngerlik jáne jumyldyrý ázirligin, jedel, jaýyngerlik jáne jumyldyrý daiyndyǵyn, sondai-aq Qarýly kúshterdi damytýdyń jai-kúiin taldaý nátijelerin baiandady.
Qorǵanys ministriniń birinshi orynbasary – QR QK Bas shtab bastyǵy general-maior Murat Bektanov jáne QR Qorǵanys ministriniń orynbasary Baýyrjan Tortaev baiandama jasady.
General-maior Murat Bektanovtyń aitýynsha 2019 jyly Qarýly kúshterde josparlanǵan barlyq is-shara tolyq deńgeide oryndaldy. Jyl boiy bólimsheler 20-dan astam halyqaralyq, 2 túraralyq oqý-jattyǵýǵa qatysty. Qurlyq áskerlerinde jaýyngerlik daiarlyq boiynsha 7 myńnan astam oqý-jattyǵý ótkizildi. Bul oqý-jattyǵýlar ár eldiń ásker toptarynyń ózara is-qimylynyń joǵarǵy deńgeige jetýi men jeke quramnyń jaýyngerlik daiarlyǵynyń artýyna yqpal etti.
Qurylymdyq bólimshelerge jaýaptylar ásker qyzmetiniń jai-kúiine jáne áskeri bólimder men mekemelerdiń diversiiaǵa qarsy qaýipsizdigine, sondai-aq áskeri tártipke taldaýdy tanystyrdy. Talqylaý barysynda áskeri qyzmetshilerdiń otbasymen jumys isteý jáne jastardy áskeri-patriottyq tárbieleý salasyndaǵy qyzmetter nazardan tys qalmady.
Aldaǵy oqý jylynda jańa geosaiasi jaǵdailarda qaýipsizdikke tónetin qaýip-qaterlerdiń kórsetilýin kepildikpen qamtamasyz etetin Qarýly kúshterdiń beinesin jetildirý jónindegi jumys jalǵastyrylady.
Ministr jeke ásker túrin damytý, sondai-aq áskerdi keshendi qaita jaraqtandyrý qajettiligin atap ótti.
Keńeitilgen alqa otyrysy sońynda 2019 jylǵy jaýyngerlik saiystardyń jeńimpazdary marapattaldy. Ásker túri arasynan – Qurlyq áskeri, óńirlik qolbasshylyqtar men ásker tekteri arasynda «Ońtústik» jáne «Shyǵys» óńirlik qolbasshylyqtary, Desantty-shabýyldaýshy áskerleri úzdikter qatarynan kórindi.
