QR Qorǵanys ministrligi RF Qorǵanys ministrliginiń arhivine qazaq jerinen attanǵan maidangerlerge qatysty suraý saldy, dep habarlaidy "Ult aqparat".
Jaqynda Qazaqstannyń Qorǵanys ministrligine Parlament Senatynyń depýtattary Ekinshi dúniejúzilik soǵysqa qatysty depýtattyq saýal joldaǵan edi. Senatorlar Norvegiia Koroldiginde qaza tapqan Qazaqstan jaýyngerleriniń týǵan jerin anyqtaýdy jáne elimizdiń diplomatiialyq elshilerimen birge zertteý jumystaryn júrgizýdi, anyqtalǵan derekterdi jastarǵa patriottyq tárbie retinde aqparat kózderinde taratýdy qarastyrýdy suraǵan.
Qorǵanys ministrligi depýtattyq saýaldy qarap, RF Qorǵanys ministrliginiń arhivine Norvegiia Koroldiginde sarbazdardyń máiitter jerlengen oryndardy anyqtaý boiynsha suraý salǵan. Sondai-aq jergilikti áskeri basqarý organdary Petsamo-Kirkenessk operatsiiasyna qatysqandardy, qaza tapqan Qazaqstan sarbazdarynyń sany boiynsha málimetterdi izdestirý jónindegi jumysty uiymdastyryp otyr.
«Ekinshi dúniejúzilik soǵys jyldaryndaǵy qazaqstandyqtardyń taǵdyrlary týraly maqalalardy qazaqstandyq jáne norvegiialyq buqaralyq aqparat quraldarynda jariialaý boiynsha jumys júrgizilýde. Qazaqstan jaýyngerleriniń jańa esimderin anyqtaý boiynsha izdestirý jumystaryn júrgizý jáne qujattardy zertteý boiynsha Qazaqstannyń zertteýshi ǵalymdary G.M. Meńdiqulovpen, A.J. Ǵabdýllinmen ózara is-qimyl jasaý uiymdastyrylýda. Jańa esimderdiń tabylýyna qarai qaza tapqandardyń týystaryn izdestirý jumystaryn júrgizýge, anyqtalǵan derekterdi jastarǵa patriottyq tárbie retinde aqparat kózderinde taratýǵa daiyn ekenimizdi habarlaimyz», - delingen senatorlarǵa Qorǵanys ministrliginiń bergen jaýabynda.
Aita ketsek, Petsamo-Kirkenessk operatsiiasy – SSSR áskeri-teńiz flotynyń Soltústik jáne Karel frontynyń vermaht áskerine jasalǵan áskeri shabýyly. Aiqas Finliandiianyń soltústigi men Norvegiianyń soltústiginde 1944 jyldyń 7 qazany men 1 qarashasy aralyǵynda bolǵan.
