Búgin Qorǵanys ministrligi ǵimaratynyń baqylaý-ótkizý pýnktiniń aýmaǵynda basqarýsyz ushý apparaty (kvadrokopter) anyqtaldy, dep habarlaidy "Ult aqparat" ministrliktiń baspasóz qyzmetine silteme jasap.
Áskeri politsiia toby kvadrokopter ielerin ǵimarat mańaiynda ustap, Nur-Sultan qalalyq Esil aýdany politsiiasy basqarmasynyń patrýldik qyzmet mamandaryna tapsyrdy.
Qorǵanys ministrligi dron ielerine «Qazaqstan Respýblikasynyń áýe keńistigin paidalaný jáne aviatsiia qyzmeti týraly» QR Zańymen rettelgen áýe keńistigin paidalaný erejelerin, sondai-aq drondardy paidalaný erejelerin qatań saqtaý qajettigin eskertedi.
Áskeri obektilerdiń ústimen kvadrokopterlerdi ruqsatsyz ushyrý – QR «Ákimshilik quqyqbuzýshylyq týraly» QK 563-babyna sáikes, quqyq buzǵan jeke tulǵalarǵa 10 AEK, al laýazymdy tulǵalarǵa 20 AEK aiyppul salynady.
«Qazaqstan Respýblikasynyń áýe keńistigin paidalaný jáne aviatsiia qyzmeti týraly» QR Zańynyń 33-babynyń 3-tarmaǵyna sáikes, erekshe qorǵalatyn áskeri obektilerdiń ústinen arnaiy qurylǵylardy ushyrý úshin memlekettik kúzet qyzmetiniń kelisimi kerek.
Qazirgi tańda zańǵa qaishy áreketteri úshin basqarýsyz ushatyn qurylǵy arnaiy jolmen zalalsyzdandyrylyp, ieleri ákimshilik jaýapkershilikke tartyldy.
