Qorǵanys ministrligi Aiagóz qalasynyń mańyna áskeri tehnikalardyń toptalý sebebin túsindirdi, dep habarlaidy "Ult aqparat".
«2020 jyldyń 18 naýryzynda áskeri daiarlyqty tekserý boiynsha buryn bekitilgen josparǵa sáikes Aiagóz garnizonynyń áskeri bólimderiniń biri áskeri daiarlyqtyń joǵary deńgeiine keltirildi. Barlyq tehnika jumys istep, ýaqytynda shyqty. Tehnika men áskeri qyzmetshiler ózin myqty qyrynan kórsetti. Marsh bolmady. Tehnikalar qosymsha qaralyp, eki saǵattan keiin turaqty dislokatsiia beketine qaitaryldy», - dep habarlaidy Qorǵanys ministrliginen.
Tekseris Qarýly kúshter qatarynda koronavirýstyń taralýyna qarsy turý sharalary aiasynda ótkizilip, sońǵy kezeń retinde qarastyrylǵan.
«Búgingi tańda QR Qarýly kúshteriniń bas shtabynyń nusqaýy boiynsha turaqty dislokatsiialardaǵy barlyq pýnktiń tekserisi toqtatylǵan», - dedi ministrlik.
Qorǵanys ministrligi Qarýly kúshterinde jyl saiyn júzge tarta áskeri jaýyngerlik daiarlyq ótetinin habarlaidy.
