Memleket basshysy Qasym-Jomart Toqaevtyń ókimimen birqatar kadrlyq ózgerister oryn aldy, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysynyń Ókimimen:
Murat Káribaiuly Bektanov Qazaqstan Respýblikasy Qorǵanys ministriniń birinshi orynbasary - Qazaqstan Respýblikasy Qarýly Kúshteri Bas shtabynyń bastyǵy qyzmetine taǵaiyndaldy, ol Qazaqstan Respýblikasynyń Qarýly Kúshteri Qurlyq áskerleriniń bas qolbasshysy qyzmetinen bosatyldy;
Baqyt Januzaquly Qurmanbaev Qazaqstan Respýblikasy Qorǵanys ministriniń orynbasary bolyp taǵaiyndaldy, ol Qazaqstan Respýblikasy Qaýipsizdik Keńesiniń Áskeri qaýipsizdik jáne qorǵanys bóliminiń meńgerýshisi qyzmetinen bosatyldy;
Marat Ábilahatuly Orazaev Qazaqstan Respýblikasy Aýyl sharýashylyǵy ministrliginiń jaýapty hatshysy qyzmetine taǵaiyndaldy;
Almaz Shaikenuly Nurazhan Qazaqstan Respýblikasynyń Ulttyq mýzeiiniń direktory qyzmetine taǵaiyndaldy.
Sondai-aq, Memleket basshysynyń Ókimimen:
Murat Jáleluly Maikeev basqa jumysqa aýysýyna bailanysty Qazaqstan Respýblikasy Qorǵanys ministriniń birinshi orynbasary – Qazaqstan Respýblikasy Qarýly Kúshteri Bas shtabynyń bastyǵy qyzmetinen bosatyldy;
Talǵat Jeńisuly Janjúmenov basqa jumysqa aýysýyna bailanysty Qazaqstan Respýblikasy Qorǵanys ministriniń orynbasary qyzmetinen bosatyldy;
Qýatjan Serikqazyuly Ýáliev Qazaqstan Respýblikasy Mádeniet jáne sport ministrliginiń jaýapty hatshysy qyzmetinen bosatyldy.
