Daryn Tuiaqov qorǵanys ministriniń orynbasary qyzmetinen bosatyldy, - dep habarlaidy "Ult aqparat" Aqorda saityna silteme jasap.
"Memleket basshysynyń ókimimen Daryn Shylbynuly Tuiaqov Qazaqstan Respýblikasy qorǵanys ministriniń orynbasary laýazymynan bosatyldy, - delingen Jarlyqta.
Daryn Tuiaqov 1969 jyly Almaty oblysy Alakól aýdany Úsharal aýylynda dúniege kelgen.
1990 jyly Andropov atyndaǵy Leningrad joǵary áskeri-saiasi ÁQQ ýchilishesin, 1997 jyly Ál-Farabi atyndaǵy QazUÝ-dy, 2007 jyly Halyqaralyq biznes akademiiasyn, 2014 jyly RF Prezidenti janyndaǵy RHShMQA támamdaǵan. Mamandyǵy boiynsha zańger-quqyqtanýshy.
Eńbek jolyn 1990 jyly ÁQQ radiotehnikalyq kúshteriniń jeke radiolokatsiialyq rotasy komandiriniń orynbasary bolyp bastaǵan.
Qorǵanys ministrliginde, Ádilet ministrliginde, Almatyda kommertsiialyq qurylymdarda, "Qazaqtelekom" AQ-da jumys istegen.
Taǵaiyndalǵanǵa deiin "Qazaqtelekom" AQ bas direktory - apparat basshysy laýazymyn atqarǵan.
"Astananyń 10 jyldyǵy", "QR Táýelsizdigine 20 jyl" medaldarymen marapattalǵan. Salany damytýǵa qosqan jeke úlesi úshin "Úzdik Bailanysshy" qurmetti ataǵyn ielengen.
